Hasiera ▪ Kontsumitzaileak

Kontsumitzaileak

Jasangarritasun-ziurtagiria duen jatetxe bat aukeratzean, ez da soilik esperientzia gastronomiko hobeaz gozatzen: arduraz lan egiten dutenak babesten dira, sortzen den ingurumen-inpaktua murrizten da eta elikadura-eredu bidezkoago baten alde egiten da.

Aldaketa handia bultzatzen duen erabaki txiki bat.

Jasangarritasunaren aldeko establezimendu batean jateko 9 arrazoi

1. Jatorria errespetatzen duten zaporeak

Tokiko, sasoiko edo ekoizpen arduratsuko osagaiekin prestatutako platerak dastatzen dira, eta beren jardueraren ingurumen-inpaktua murrizteko lanean ari diren hurbileko ekoizleak babesten dira.

2. Kudeaketa arduratsuagoa

Establezimenduek hondakinak murrizteko, bereizketa sustatzeko eta birziklapena errazteko neurriak ezartzen dituzte, eredu arduratsuago baterantz aurrera eginez.

3. Hemen ez da botatzen. Hemen aprobetxatzen da

Ondo kalkulatutako menuak. Pentsatutako errazioak. Berrerabilera sortzailea. Gramo bakoitzak balio du, eta horrek elikagaiarekiko errespetua erakusten du.

4. Alferrik galtzen ez den energia. Baloratzen den ura

Sukaldea kontsumo handiko gunea da. Baina establezimendu hauetan kontsumoa optimizatzen da LED argiak eta etxetresna elektriko eraginkorrak erabiliz, ur-emariak kontrolatuz, eta abar.

5. Espazioak ere hitz egiten du

Lokalaren diseinua, eraikuntza eta mantentzea ingurunearekiko errespetuan, erosotasunaren bilaketan, eraginkortasunean eta ingurumen-aztarna ahalik eta txikiena sortzean oinarritzen dira.

6. Xehetasun bakoitzak garrantzia du

Zapi-ehunetatik garbiketa-produktuetaraino, erabiltzen diren materialak arretaz aukeratzen dira, ingurumenarekin eta pertsonekin arduratsuagoak diren aukerak lehenetsiz.

7. Gizarte-justizia. Arima duen sukaldaritza

Plater bakoitzaren atzean baldintza bidezkoetan lan egiten duten pertsonak daude, eta erakundeak aniztasunarekiko eta kolektibo kalteberenganako konpromisoa du.

8. Eskertzen den gardentasuna

Erosketei, egiten denari eta zergatik egiten denari buruzko informazioa partekatzen da. Apaindurarik gabe. Itxurazko ekologismoa saihestuta.

9. Denon artean eraikitzen den etorkizuna

Ziurtatutako jatetxe bat aukeratzean, pertsonak, planeta eta sektorearen etorkizuna zaintzen dituen gastronomia baterantz doan aldaketaren parte bihurtzen zara.